ನೀನೊಮ್ಮೆ ಬರಬಾರದೇಕೆ.?
ಕಾಯುತಿಹಳು ತಡೆಯಲಾರದೆ ಆಕೆ..
ರೋಗಗಳು ಬಹಳ, ರಾಗ ದ್ವೇಷಗಳೂ ಬಹಳ
ಭೋಗಳೇ ಸಕಲ, ಕರುಣೆ ಸತ್ಯಗಳೋ..
ಬಹಳ ವಿರಳ..
ನೀನೊಮ್ಮೆ ಬರಬಾರದೇಕೆ.?
ಕಾಯುತಿಹಳು ತಡೆಯಲಾರದೆ ಆಕೆ..
ಬಡವರ ಬೆನ್ನೆಲುಬಿನ ಮಂಚ,
ಕನಸಿಗೂ ಕೇಳುವರು ಲಂಚ.,
ತನ್ನ ಗೋಡೆಯ ಚಿತ್ರಕೆ..
ಬಡವನ ಮೀಸೆಯ ಕುಂಚ.,
ಆಕೆಯ ಸಂಕಟ ನೋಡೊಮ್ಮೆ ಕೊಂಚ.
ನೀನೊಮ್ಮೆ ಬರಬಾರದೇಕೆ.?
ಕಾಯುತಿಹಳು ತಡೆಯಲಾರದೆ ಆಕೆ.
ಕೊಳಕು ತುಂಬಿ ನಾರಿದೆ ದೇಹ.
ಎಷ್ಟು ಮಾರಿದರೂ
ಅನುಭವಿಸಿದರೂ ತೀರದಿವರ ದಾಹ
ಅವಳಾಗಿ ತಡೆದುಕೊಂಡಳು..
ನೋಡಲಾರೆನು ನಾನು.
ನಿನ್ನ ಪರಿಶುದ್ದ ಆಲಿಂಗನಕೆ
ಕಾಯುತಿರುವಳು ಆಕೆ..
No comments:
Post a Comment