ಹೀಗೊಂದು ವೇದನೆ..!!

ಅಂದು ಅವಳಂದಳು.
ಓ ನಲ್ಲ.. ನೀನೇ ನನಗೆಲ್ಲ..;
ಹೃದಯ ತುಂಬಿ ಬಂತು..,
ಗೆಳೆಯನ ಮದುವೆಯಲ್ಲಿ..;
ಷಡ್ರಸ ಭೋಜನವ ಉಂಡಾಗ.. ಆಗುವಂತೆ..!!

ಮಗದೊಮ್ಮೆ ಬಿಗಿದಪ್ಪಿ...
ತುಟಿಗೊಂದು ಮುತ್ತನೊತ್ತಿ ಅಂದಳು..;
ನೀ ನನ್ನ ಮುದ್ದು........,
ಪ್ರೀತಿ ಹರಿದು ಬಂತು.;
ಗೆಳೆಯನ ಅಣ್ಣ ಬಲವಂತದಿಂದ.. ಬಡಿಸಿದ..
ಪಾಯಸದಂತೆ....

ಇಂದು ಕರೆದರೂ ತಿರುಗಿ ನೋಡದೆ..
ಅಂದಳು.. ನೀನಲ್ಲ ನನ್ನ ನಲ್ಲ..
ನಿನ್ನ ಬಳಿ ಏನಿಲ್ಲ.., ನನಗಾಗಿದೆ ನಿಶ್ಚಿತ...
ನಾ ನಿನ್ನವಳಲ್ಲ ಖಚಿತ..
ಕಣ್ಣು ತುಂಬಿ ಬಂತು..,
ಊಟದ ಕೊನೆಯಲ್ಲಿ ಮಜ್ಜಿಗೆಯಲ್ಲಿನ
ಹಸಿಮೆಣಸ ತುಂಡನ್ನು ತಪ್ಪಿ ಜಗಿದಾಗ ಆಗುವಂತೆ..!!!!!!
.