ಹೃದಯದ ಭಾಷೆ ಕಲಿಯುವ ಆಸೆ
ನಿನ್ನೊಡನಾಡಿ ಬೆರೆಯುವ ಆಸೆ.
ಎದೆಯಲಿ ಮಿಡಿತ.. ನಿನ್ನೆಡೆ ಸೆಳೆತ.
ನಿನ್ನಯ ಮಡಿಲಲಿ ಮರೆಯುವ ಆಸೆ..
ನೀನೇ ನನ್ನಯ ಜೀವವೂ ಭಾವವೂ..
ನಿನ್ನ ಜತೆಯಲೇ ಜೀವನಾ.., ಸ್ವಾದವೂ.. || ಹೃದಯದ||

ಸಾಗರದಾ ಅಲೆಯಲೀ ತೇಲುವಾ ಬಾ..
ಆ ಮೀನಿನಾ ಹೆಜ್ಜೆಯಾ ಹುಡುಕುವಾ...
ಆಗಸದಾ ಮೇರೆಯಾ ಮೀರುವಾ ಬಾ..
ತಾರೆಗಳ ಪೋಣಿಸೀ ನೀಡುವೇ...
ಹೊಳೆಯುವ ಮುತ್ತಿನ ಮಾಲಿಕೆಯೇನು..
ನಿನ್ನಯ ಅಂದಕೆ ಹೋಲಿಕೆಯೇನು..??
ಕಳೆದೆದೋದೆನು ನಿನ್ನಲೀ ನಿನ್ನಲೀ.. || ಹೃದಯದ||

ಮುಂಜಾನೆಯ ಮಂಜಲೀ ಕರಗುವಾ ಬಾ
ಸಂಜೆಯಲಿ ಅಂಜದೇ ಸೇರು ಬಾ...
ಇರುಳಿನಲಿ ಕನಸಿಗೇ ದಾರಿಯಾಗು ಬಾ.
ಕೆರಳದಲೇ ಕರಗಿಸೋ ಕನ್ಯೆಯಾಗು ಬಾ..
ಮುಳುಗಿದ ಹೊತ್ತಿನ ಸಮಯದಿ ನೀನು..
ಮುಳುಗಿಸು ಮುತ್ತಿನ ಹೊಳೆಯಲಿ ನನ್ನಾ..
ಕಳೆದೋಗುವೇ ನಿನ್ನಲೀ ನಿನ್ನಲೀ.. || ಹೃದಯದ||